COMMISSION AT A GLANCE:
Date of set up of Commission : 3rd October 2008
State Election Commissioner : 1) C. Ropianga, IAS (Retd)
(3.10.2008 - 14.10.2013)
2) L. Tochhong, IAS (Dual charge)
(14.10.2013 - Till date)
STATE ELECTION COMMISSION IN KUM 5 A TLING TA
State Election Commission, Mizoram hi India Danpui Article 243K & 243ZA behchhanin October ni 3, 2008 khan tualchhung inrelbawlna a roreltu tur te thlanna buaipui tura din a ni a, kum 2013 October ni 3 khan kum 5 a tling ta! Commission chuan kum 5 kalta chhunga Sawrkar leh mipui tanpuina leh thawhpuina avangin lawmthu a sawi a ni.
A din atanga thla 5 chhung lekin February ni 24, 2009 khan Mizoram pum Village Council inthlanpui felfai takin a buatsaih nghal a. Tun hmaa Village Council inthlanna a la tih ngailoh kalphung thar duang chhuakin Electoral Reforms engemaw zat a siam a ni. Heng zingah hian Model Code of Conduct, Common Ballot Paper, Single Ballot Box, Election Observer ruatte a tel a, hengte avang hian inthlanna chu a thianghlimin a felfai hle a ni.
April ni 7, 2010 khan Mizoram hmun hrang hrang a Village Council siam tharah Mid-term Election leh Village Council thiah thenkhatah By-election hlawhtling takin a buatsaih a; April ni 13, 2011 khan Mualpui (Chhingchhip), Serchhip District-ah By-election a buatsaih leh bawk a ni.
November ni 3, 2010 khan Aizawl Municipal Council inthlan hmasaber chu hlawhtling takin a buatsaih bawk a. He inthlanah hian Mizoram inthlan tum danga la tih ngai loh - EVM hman dan, Model Code of Conduct, Election Management, etc. chungchangah thil thar chi hrang hrang kalpui a ni a, a bik takin Best Electoral Practices Award a buatsaih chu mipuiin an hlut hle. Hengte avang hian inthlanna a thianghlimin a felfai hle a ni.
February ni 23, 2012 hian District 6 tan Village Council 509 leh Aizawl Municipality hnuaia Local Council 82-ah te General Election hlawhtlin tak buatsaih leh in October ni 15, 2012 khan CADC leh LADC hnuaia Village Council 5 tan By-Election hlawtling takin a buatsaih a, kum 2013 April ni 17 khan General Election to Chakma Autonomous District Council hlawhtling takin a buatsaih leh tawh bawk a ni. He inthlanah hian a vawikhatna atan EVM leh Voter Slip with Photograph (VSP) hman a ni nghe nghe.
SEC hi ama thuneihna zawnah chuan MP & MLA inthlanna buatsaih thintu ECI ang chiaha thuneihna nei – Independent, Autonomous leh Constitutional body a ni a, ECI hnuaia awm a ni lova, a inrelbawl naah ECI in thuneihna a nei lo bawk.
SEC hi Sorkar Department pakhat ang a ngaihna a awm fo thin a. A sum mamawh leh thawktu mamawh hi State Sorkar ngaihtuah sak nimahsela; inthlanna thianghlim leh felfai a buatsaihna atana a inrelbawlnaah chuan Sorkar a inrawlh thiang lova, Sorkar Department dang lu (head)-te angin Sorkarah mawhphurhna a nei ve lo a ni.
Kum 5 alo tlin hian State Election Commission chuan tualchhung inrelbawlna a Democratic Institution-te tun din a, tih hmasawn zel nana theihtawp chhuah turin a intiam thar leh a, hemi atan hian Political Party, mipui leh Sawrkar tanpuina leh thawhpuina a ngen tak meuh a ni.
