Profile

STATE ELECTION COMMISSION, MIZORAM

            State Election Commission, Mizoram hi India Dan Pui, Article 243K & 243ZA beh chhanin August 28, 2008 khan tual chhung inrelbawlnaa roreltu turte thlanna buaipui tura din a ni a. Commission chuan kum kal ta chhunga Sawrkar leh mipui tanpuina leh thawhpuina avangin lawm thu a sawi a ni.

            A din atanga thla 5 chhung lekin February ni 24, 2009 khan Mizoram pum Village Council inthlanpui felfai takin a buatsaih nghal a. Tun hmaa Village Council inthlanna a la tih ngai loh kal phung thar duang chhuakin Electoral Reforms eng emaw zat a siam a ni. Heng zingah hian Model Code of Conduct, Common Ballot Paper, Single Ballot Box, Election Observer ruat te a tel a, hengte avang hian inthlanna chu a thianghlimin a felfai hle a ni.

            April ni 7, 2010 khan Mizoram hmun hrang hranga Village Council siam tharah Mid-term Election leh Village Council thiah thenkhatah By-election hlawhtling takin a buatsaih a; April ni 13, 2011 khan Mualpui (Chhingchhip), Serchhip District-ah By-election a buatsaih leh bawk a ni.

            November ni 3, 2010 khan Aizawl Municipal Council inthlan hmasaber chu hlawhtling takin a buatsaih bawk a. He inthlanah hian Mizoram inthlan tum danga la tih ngai loh - EVM hman dan, Model Code of Conduct, Election Management, etc. chungchangah thil thar chi hrang hrang kalpui a ni a, a bik takin Best Electoral Practices Award a buatsaih chu mipuiin an hlut hle.

            February ni 23, 2012 hian District 6 tan Village Council 509 leh Aizawl Municipality hnuaia Local Council 82-ah te General Election hlawhtlin tak buatsaih leh in October ni 15, 2012 khan CADC leh LADC hnuaia Village Council 5 tan By-Election hlawtling takin a buatsaih a, kum 2013 April ni 17 khan General Election to Chakma Autonomous District Council hlawhtling takin a buatsaih leh tawh bawk a ni. He inthlanah hian a vawi khatna atan EVM leh Voter Slip with Photograph (VSP) hman a ni nghe nghe.

            SEC hi ama thuneihna zawnah chuan MP & MLA inthlanna buatsaih thintu ECI ang chiaha thu neihna nei – Independent, Autonomous leh Constitutional body a ni a, ECI hnuaia awm a ni lo a, a inrelbawlnaah ECI-in thu neihna a nei lo bawk.

            SEC hi Sorkar Department pakhat anga ngaihna a awm fo thin a. A sum mamawh leh thawktu mamawh hi State Sorkar ngaihtuahsak ni mah sela; inthlanna thianghlim leh felfai a buatsaihna atana a inrelbawlnaah chuan Sorkar a inrawlh thiang lo a, Sorkar Department dang lu (head)-te angin Sorkarah mawhphurhna a nei ve lo a ni.

            State Election Commission chuan tual chhung inrelbawlnaa Democratic Institution-te tun din a, tih hmasawn zelna’na theih tawp chhuah turin a intiam thar leh a, hemi atan hian Political Party, mipui leh Sawrkar tanpuina leh thawhpuina a ngen tak meuh a ni.

GENERAL ELECTIONS & BY-ELECTIONS CONDUCTED BY THE COMMISSION