No. B. 11011/1/2024-SEC/MADC/                        :        Dated Aizawl, the 2nd July, 2024



PRESS NOTE



Subject:        Mara Autonomous District Council huam chhunga 7-Chakhei MDC Constituency a hmunruak hnawhkhahna tura inthlanna result tluang taka chhiar zawh a ni.

 

 

                        Mara Autonomous District Council huam chhung a 7-Chakhei MDC Constituency Member banna avanga hmun ruak hnawhkhahna atan By-Election neih a tul avangin Sub-rule (5) of Rule 7 of the Mara Autonomous District Council (Constitution, Conduct of Business etc) Rules, 2002 as amended in thuneihna a pek angin State Election Commission, Mizoram chuan 7-Chakhei MDC Constituency hmun ruak hnawhkhat turin June, 28, 2024 khan inthlanna a buatsaih a. He inthlannaah hian Voter 1875 awmin vote 1592 a tla a, 84.91 % ni in, a hnuai a mi hi result a ni. 

 

No. & Name of Constituency

Name of Elected Candidate

Name of Political Party

7-Chakhei

Albert TT. Sachu

BJP

 

            Inthlanna thianghlim, fel fai leh muanawm kan neih theih nana theih tawp chhuahtu Deputy Commissioner/District Election Officer, Superintendent of Police, Returning Officer, Asst, Returning Officer, Magistrate, Presiding Officers leh Polling Officer-te, DC Siaha Office-a Officer & staff te leh Security mi leh sa, dan leh thupek kengkawhtu zawng zawngte chungah State Election Commission chuan lawmthu a sawi takmeuh a ni.

 

                        Commission-in thu puanzar duh leh a hma laknate rang tak leh darh zau taka min puan chhuahsak a min theh darhsaktu, Information & Public Relations Department leh Media-te chungah State Election Commission chuan lawmthu a sawi bawk a ni.

                        Inthlanna thianghlim a awm theihna tura thahnemngai taka tha thawh tu NGO te chungah pawh State Election Commission chuan lawm thu a sawi takmeuh a, anni nena thawh hona tha avang hian inthlanna thianghlim tak kan nei thei thin a ni.

 

                        A tawp berah chuan, Democracy innghahna pawimawh tak, he By-Election ti hlawhtling tura thawk chhuak, vote thlaktu mipui zawng zawngte chungah State Election Commission chuan lawm thu a sawi takmeuh a, hun lo kal zel turah pawh Commission hma laknate thahnemngai taka tawiawm turin a sawm a ni.

 

 

 

 

 

Sd/- K. LALDINGLIANA

Secretary,

State Election Commission,

Mizoram.