GE to CADC 2013 Press Note Schedule

STATE ELECTION COMMISSION

MIZORAM

_____________________________________________

No.B.12021/1/2012-SEC/CADC        :     Dated Aizawl, the 18^th March, 2013

PRESS NOTE

Subject:    Schedule for 9^th General Election to Chakma Autonomous District Council, 2013.

Chakma Autonomous District Council term chu thla khat pawh sei a nih hnuah Dt. 30.4.2013 hian a tawp dawn a. Hei vang hian sub-rule (5) of Rule 7 of the Chakma Autonomous District Council (Constitution, Conduct of Business, etc) Rules, 2002 as amended in 2012 in thuneihna a pek angin State Election Commission, Mizoram chuan a vawikhatna atan Chakma Autonomous District Council thar siam tura inthlanna a buatsaih  dawn a. He inthlanna atana Commission hmalak dan leh Schedule of Election chu a hnuaia tarlan ang hi a ni:-

1.                  No. of  Constituency & Polling Stations

Chakma Autonomous District Council hnuaia Constituency leh Polling Station awm dan chu hetiang hi a ni a, atul dan ang azirin  voter 900 aia tamna Polling Station-ah Auxilliary Polling Station la hawn belh a ni ang.

2.            Electoral Rolls

Rule 147 of Chakma Autonomous District Council (Constitution, Conduct of Business, etc) Rules, 2002 as amended in 2012 dungzuiin General Election to Chakma Autonomous District Council-a hman atan Election Commission of India in Dt.15.1.2013-a a tihchhuah 36-Tuichawng Assembly Constituency Electoral Rolls chu Draft Electoral Rolls atana hmangin Dt.12.2.2013 khan tihchhuah a ni. 

 Dt.13.2.2013 atanga Dt.12.3.2013 chhung khan Electoral Rolls ennawnna (revision) hna thawh a ni a, Dt.13.3.2013 khan Final Electoral Rolls chu  tarchhuah a ni. He Electoral Rolls en nawnnaah hian hming thun belhna atan hun hawn a ni lo a,  hming paihna hna chauh thawh a ni. Hemi ang hian non-tribal leh mitthi tawh hming   316 paih a ni a, thun belh erawh chu a awm lo a ni. He Final Electoral Rolls ang hian CADC inthlanpui 2013-a vote thlak thei tur chu mi 25,696 an ni a, chung zinga 12,814 chu hmeichhia niin, 12,882 chu mipa an ni. Hmeichhia aiin mipa 68-in an tam a, sex ratio chu 990/1000 a ni. 

Constituency 20-a voter awm dan chu a hnuaia mi ang hi a ni:-

3.       Identification of Electors 

36-Tuichawng Assembly Constituency chhunga voter zawng zawngte chu Electoral Photo Identity Card (EPIC) pek vek an nih tawh avangin General Election to Chakma Autonomous District Councils, 2013-a vote thlak turte reng reng chuan Polling Booth-ah an nihna (identity) tichiang turin EPIC produce tura tih an ni ang. 

EPIC bakah hian SEC in inthlanna a buatsaiha a vawikhatna atan ‘Voters Slip with Photograph (VSP)’ hman (introduce) a ni dawn a, he VSP hi Returning Officer/ Asst. Returning Officer ten Polling Station tina Station Officer-te kaltlangin inthlan hma ni khat la awmah in tinah kalin an sem chhuak vek ang. He VSP-ah hian Voter-te thlalak bakah Polling Station No. leh hming, Voter’s Sl.no, inthlanni leh hun, etc a chuang vek ang a, Political Party ten Voter-te hnenah Voter Slip an pek a ngai tawh lo ang. Voter ten an EPIC an tibo a nih pawhin VSP chauh pawh hi an mahni intihchianna (identity proof) atan Polling Booth-ah an hmang thei ang. EPIC mai bakah an VSP hi an la tihbo leh zel theih avangin Polling Booth tinah VSP Facilitation Desk siam a ni ang a, hemi hmunah hian Station Officer hnen atangin duplicate VSP an la chhuak thei ang.

4.       Law & Order and Deployment of Forces

Inthlanna muanawm leh felfai kan neih theihna atan dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate leh Superintendent of Police-te chu ruahmanna tul ang zawng zawng siam tura tih an ni. A bik takin ralthuam ken chungchang leh aurinna hman chungchangah khapna thupek tichhuak tura beisei an ni. Polling Station venhim uluk ngai zual bik Sensitive Polling Station 17 a awm dawn a chungte chu:-

          Hei hi a tul anga la revise theih a ni ang.

5.            Election Officials

Deputy Commissioner, Lawngtlai chu District Election Officer (DEO) leh Returning Officer (RO) atana ruat a ni a, amah puitu atan Addl. Deputy Commissioner, Lawngtlai leh Sub-Divisional Officer(Civil) Chawngte te chu Asst. Returning Officer  (ARO) atana ruat an ni bawk. Heng bakah hian Polling Station tinah Presiding Officer 1 leh Polling Officer 2 zel ruat an ni bawk ang a, an duty-na hmun tur Constituency leh Polling Station hi draw of lots/randomization hmanga siam vek a ni ang. Heng bakah hian VSP semchhuah kawnga mawhphura, Polling Party-te buaipuitu atan Polling Station tinah Station Officer ruat a ni bawk ang.

6.            Observers

State Sawrkar Senior officer 2, Observer atan ruat an ni a, anni hian inthlan chungchanga hma lakdan ngun takin an vil dawn a ni. Inthlan kalpui dana lungawilohna emaw, Model Code of Conduct kenkawh chungchanga sawisel duh neite chuan an bialtu Observer an hriattir thei ang. 

7.            Electronic Voting Machine

The Chakma Autonomous District Council (Constitution, Conduct of Business, etc) Rules, 2002 as amended in 2012 angin, tun tum Chakma Autonomous District Council General Election-ah hian a vawi khatna atan Electronic Voting Machine hman a ni dawn a.  Election Commission of India atangin EVM 110 hawh phalna hmuh a ni tawh a, mumal taka First Level Checking (FLC) neih a nih hnuah a hmanna tur Constituency leh Polling Station chu draw of lots/randomization hmanga siamchhuah leh vek a ni ang.

8.            Indelible Ink

        He General Election-ah hian vote thlaktute kut veilam zungchala indelible ink pherh thei tah thin chu tat tawh lovin ‘indelible ink marker’, pherh thei lo, tah a ni tawh dawn a ni.

9.            Conduct of Officials

State Election Commission chuan Chakma Autonomous District Council inthlanna buatsaihna kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai (impartial) thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah  an awm dawn a ni.

10.         Videography & Photography

A tul dan ang azirin thil thleng danglam bik bakah Model Code of Conduct bawhchhiatna a awm chuan chhinchhiah a, thla la turin District Election Officer chu hriattir a ni a, hei hian inthlanna felfai leh thianghlim a awm theih nan kawngro a su hle tura ngaih a ni.

11.     Election Expenditure Monitoring

          Rule 188 of the Chakma Autonomous District Council (Constitution, Conduct of Business etc.) Rules, 2002 as amended in 2012 dungzuiin Candidate tin te chu Election Campaign atana an sum hmanral nitina chhinchhiah tur leh inthlanna result puan atanga ni 60 chhungin  an sum hman dan report thehlut tura tih an ni ang. Candidate-ten dan an zawm that leh that loh hi District Election thuneitute leh Observer-ten an vil reng dawn a ni. Chakma Autonomous District Council General Election-a Candidate ten campaign nana an sum hman theih zat hi Rs. 1,00,000/- a bithliah a ni.

12.     Helpline & Complaint Redressal Mechanism

          He General Election chungchanga mipuite hriat awm chi chu State Election Commission website - www.secmizoram.in ah tarlan thin a ni ang a, hemi baka thil hriatfiah leh zawh duh neite chuan State Election Commission e-mail : sec_mizoram@yahoo.com – ah thawn theih a ni ang.  SMS leh tawngkaa thil hriatfiah duh nei emaw complaint neite tan pawh heng cell phone no. BSNL-9436317177 & Reliance-7308188001 ah te hian thlen theih a ni bawk ang.

13.     District Election Plan & Communication Trial Run 

          State Election Commission kaihhruaina hnuaiah District Election Officer in District Election Plan mumal tak a siam ang a, chumiah chuan Communication Plan, Movement Plan etc, felfai taka tarlan a ni ang. Chakma Autonomous District Council area chhunga Polling Station-te hi hmun kilkhawr zawka awm an nih avangin inbiakpawh nan Wireless Tele-communication (MPRO) hman tangkai a ni ang a,  hemi bakah hian Mobile Phone provider-te pawh tan la tura ngen an ni. Poll Day hma Poll Eve-ah Communication Trial Run hi neih a ni ang a, hei hian Poll Day-a Voter Turn-Out leh Counting Day-a Election Result Report leh puanzar kawngah kori a tu hle tura ngaih a ni.

14.         Model Code of Conduct

‘Model Code of Conduct for Elections to Chakma Autonomous District Councils’ chu tun atang hian Lawngtlai District-ah hman tan nghal a ni. He Model Code of Conduct hian Political Parties, Contesting Candidates, Ministers, Parliamentary Secretaries, Members of Parliament, Members of Legislative Assembly leh Chief Executive Member, Members of District Council leh Chakma Autonomous District Council thuneitute a huam ang. Hetih rual hian Sawrkar hnathawkte tana zawm tur Code of Conduct pawh State Election Commission chuan a tichhuak tawh bawk a, hei pawh hi vawiin atanga hman tan nghal a ni.

15.         Schedule of Election

9^th General Election to Chakma Autonomous District Council neih dan tura ruahmanna – Schedule chu hetiang hian siam a ni:-

16.     Appeal

                                  State Election Commission chuan inthlanna fel fai leh muanawm tak kan neih theih nan inthlanna buaipuitute, Political Parties, Media, NGO-te leh mipui tawiawmna a ngen a. Mipui duhthlanna kal tlanga Chakma Autonomous District Council inrelbawlna tha tak a awm zui zel theih nana theih tawp chhuah theuh turin mitin te a sawm a ni.

By order etc, of the State Election Commissioner,

 Sd/- H. DARZIKA

Secretary

State Election Commission

Mizoram.