No. B.12021/1/2012-SEC/CADC
STATE ELECTION COMMISSION
MIZORAM
*******
PRESS NOTE
Dated Aizawl, the 15th April, 2013
Subject: 9th General Election to Chakma Autonomous District Council (CADC) atan inpuahchahna peih fel a ni ta.
Governor-in ni 7.2.2013-a Chakma Autonomous District Council inthlanpui neih a nih tur thu hriattirna a tihchhuah hnuah, State Election Commission chuan ni 18.3.2013 khan ni 17.4.2013-a inthlanpui vawi 9-na hi neih a nih tur thu a puang a. Election Schedule tarlanna Notification pawh State Election Commission-in ni 20.3.2013 ah a tichhuak zui bawk a ni. He inthlanna lo awm tur atana inpuahchahna hrang hrang chu tluang taka kalpui chhoh zel a ni a, April ni 17, 2013 a inthlanna nei turin a hnuaia tarlan ang hian ruahmanna engkim peih fel a ni ta:-
1. Voters awmzat : He inthlanna tur atana Final Rolls chu ni 13.3.2013-ah tihchhuah a ni a, he Final Rolls ang hian voters 25,694 an awm a, voters 12,885 te hi mipa an ni a, 12,809 te chu hmeichhia an ni thung. Constituency-wise a voters tamna ber chu 5-Kamalanagar niin 2,390 voters an awm a, voters tlemna ber chu 18-Fultuli niin 983 voters an awm a ni.
2. Voter Slip with Photograph (VSP) : Voter ten Polling Booth-a an in identify nan leh Electoral Roll-a an Sl.No awlsam taka zawnchhuah zung zung a nih theih nan CADC area chhunga voters 25,694-te hnenah Voter Slip with Photograph (VSP) pek chhuah a ni. VSP Software siam leh a printing leh tul ang zawng zawng hi State Election Commission Office-ah buaipui vek a ni a, ni 12.4.2013 khan intina semchhuaktu tura ruat Station Officer-te hnenah hlanchhawn vek a ni tawh a ni. Hetianga State Election Commission kaihhruaina hnuaia Mizorama a vawikhatna atana VSP hman a nih dawn takah chuan Political Party emaw NGO ten Polling Station hnaivaia Voter Slip an lo pekchhuah ve thin chu pek a ngai tawh dawn lova, hei hian vote thlak a tichakin vote inthlaksak mai mai pawh a ti harsa viau dawn a ni. Chumai bakah intina kala VSP election thuneitute buatsaih ngei pek a nih hian voter-te pawimawhna leh vote thlak ngei tura sawmna a ken tel avangin voter turn-out pawh a tihsan phah ngei tura ngaih a ni bawk.
3. Polling Stations : CADC hnuaia Constituency 20-ah inthlanna hi neih a ni ang a, Auxilliary Polling Station 5 telin Polling Stations 68 a awm a, Polling station zinga voters tamna ber chu 5- Kamalanagar Constituency hnuaia Kamalanagar-II niin 1263 voters an awm a, a tlemna ber chu 13- Vaseitlang Constituency hnuaia Charluitlang Polling Station niin 87 voters an awm thung a ni.
4. Candidate awmzat : Nomination file-tu zawng zawng hi mi 49 an ni a, inhnuhdawk leh mi 2 an awm a, tichuan Contesting Candidates chu mi 47 an ni ta a ni. Party hrang hrang candidate neih dan chu hetiang hi a ni:- INC - 20, MNF - 20, INDEPENDENT - 7. Candidate zawng zawngte hi CADC inthlanpuia a vawikhatna atan an sum leh pai, in leh lo, etc, neih dan tarlanna affidavit thehluh tir vek an ni. He inthlanpuiah hian hmeichhe Candidate an awm lo.
5. Election Observers : State Election Commission chuan Election Observer 2 (pahnih) - Pu Thlamuana MCS, Director, Transport Deptt. leh Pu H. Laizika MCS, Controller, Printing & Stationery Deptt. te a ruat a. Anni hian Scrutiny of Nominations neih ni atangin anmahni bial chan bik an vil nghal char char a, vote chhiar ni thlengin Chawngte-ah an cham chilh dawn a ni.
6. Returning Officer/Asst. Returning Officers : He inthlanpui atana Returning Officer chu Pu B. Lalhmingthanga MCS, Deputy Commissioner, Lawngtlai District a ni a, Asst. Returning Officer 2 awm in Pu Beila Khithie, Addl DC, Lawngtlai leh Pu L. Rinliana, SDO(C) Chawngte te an ni.
7. Sector Magistrate : Magisterial Zone 4 siam a ni a, Sector Magistrate atan mi 4 – Pu MH James, SDC Chawngte, Pu David Lalrinawma, SDC, DC’s Office Lawngtlai, Pu James Lalnithanga, SDC, DC’s Office, Lawngtlai, Pu Vanlalrova, SDC, DC’s Office, Lawngtlai te ruat an ni a, anni hian an bial theuh ngun takin an vil dawn a ni.
8. Model Code of Conduct (MCC) : MCC khauh taka kenkawh zel a ni a, Commission-ah complaint 2 dawn tawh a ni a, chinfel ve ve a ni. MCC Monitoring Team-te chuan April ni 1-5, 2013 chhung khan khaw 63 tlawh chhuakin MCC bawhchhiat a nih loh nan leh bawhchhiatna awm leh awm loh an enthlithlai a, bawhchhiatna engmah a awm loh thu report dawn a ni. Campaign period a tawp hnua MCC bawhchhiat a nih loh nan theih tawp chhuah a ni a, Vote inleisak leh Vote inthlaksak a awm loh nan nasa taka tan lak a ni. MCC kenkawh dan chungchang leh election atana inpuahchahna enthlithlai a, a tul anga hmalakna tur kawhhmuhin Secretary, SEC leh Deputy Secretary, SEC te chuan ni 26–28 March, 2013 khan Chawngte an tlawh a. Ni 10 – 13, April, 2013 chhung khan Secretary, SEC chuan Chawngte tlawh lehin Training session hrang hrangah thu a sawi a. MCC bawhchhiat theihna kawng hrang hrangah hmalakna tur a kawhhmuh bawk. Vawiin thleng hian MCC bawhchhiatna lian tham a thlen thu report Commission in a la dawng lo a, chuti chung chuan Development Project hrang hrang RKVY, BRGF etc, a sum hman tur CADC office thleng tawhte chu semchhuak lo tura tih an ni a, CADC thuneituten GCI Sheet sem an tum pawh sem lo tura tih a niin kalh hnan vek a ni.
Representation of the People Act, 1951 section 126-na in a sawi ang leh CADC Elections Model Code of Conduct para II (7) in a tarlan angin inthlan vote thlak zawh tlai dar 5:00 p.m. atanga chhiar leta darkar 48, ni 15th April, 2013 tlai dar 5:00 p.m. hian he inthlanpui atana campaign theihna hun chu a tawp dawn a. Ni 15th April, 2013 tlai dar 5:00 p.m. atanga ni 17th April, 2013 tlai dar 5:00 p.m. chhung hian mi tumahin a hnuaia tarlan te hi tilo turin Commission chuan thupek a chhuah a ni:-
1) Inthlan kaihhnawih thila vantlang inkhawm leh kawngzawh buatsaih, kawngzawh leh vantlang inkhawm a tel leh thusawi;
2) Mipui hnena inthlan kaihhnawih thil Cinema, TV leh hetiang ang hmanrua hmanga tihchhuah/entir;
3) Inthlan kaihhnawih thu thehdarh nan a Musical Concert leh mipui vantlang hip khawm thei tur intihhlimna lampang chi reng reng buatsaih.
4) Opinion Poll/Exit Poll tihchhuah emaw puan zar;
5) SMS hmanga campaign.
Heng bakah hian campaigner tupawh campaign hun chhung a tawp veleh candidate leh an agent-te tih loh chuan an campaign-na huamchhungah vote an nei a nih loh chuan an campaign-na hmun an chhuahsan vek tur a ni tiin thupek chhuah a ni bawk. Tin, Poll day-ah hian candidate 1 tan motor 2 aia tam hman phal a ni lova, vote thlak tur voter-te phurh khawm khap tlat a ni bawk.
9. Electronic Voting Machine & Election Materials: CADC Election-ah a vawikhatna atan EVM hman a ni ang. He inthlana hman atan hian ECI-EVM 110 ruahman a ni a, 68-te chu Polling Station-a vote thlakna atana hman an ni ang a, a bak zawng chu Training leh Spare/Reserve atan dah a ni. EVM kaihhnawih Election Material zawng zawng pawh India Security Press, Nashik leh ECIL, Hyderabad atangin chah thlen vek a ni tawh bawk. He inthlana EVM sawngbawl danah hian ECl-in additional safety measure lak tura a tih zawng zawng chu ECIL EVM Expert-te kaihhruaina hnuaiah lak vek a ni a, First Level Checking atangin Pink paper seal hman a nih mai bakah Political Party-te phungbawmah sawm zel an ni. EVM Strong Room hi chhun zan zawma CRPF-te venhimna hnuaiah dah a ni ang a, Strong Room Security protocol mumal tak hnuaiah venhimna hi kalpui a ni dawn a ni.
10. Handbook & Forms: The Chakma Autonomous District Council (Constitution, Conduct of Business, etc) Rules, 2002 as amended in 2012-ah Election Conduct na atana Forms mamawh hrang hrangte a kim tawk loh avangin State Election Commission chuan Form chi hrang hrang 15 a siam belh a. Heng bakah hian Model Code of Conduct for Elections to CADC, Handbook for Presiding Officers, Guidelines for Observers, Register for Accounts of Election Expenses, Compilation of CADC (CCB, etc) Rules, Affidavits Forms, etc, siam a ni bawk.
11. Polling Officials : He inthlanna buatsaihtu tur Polling Party 68 an awm a, hei bakah hian Reserve Polling Party 6 dah a ni bawk. Polling Station-a duty tur Polling Party zingah hian Presiding Officer, 1st Polling Officer leh 2nd Polling Officer – 68 theuh an vaiin mi 204 an awm a, an duty-na hmun tur hi draw of lots hmanga randomized vek a ni. Heng Polling Official-te bakah hian venhimna lama hnathawktu Police Personnel:- MAP – 127, MRP – 125, MPRO – 56, CRPF – 60, an vaiin 368 an awm bawk dawn a ni. Heng Polling Official-te zinga an duty avanga an vote neihna hmuna vote thlak ve theilo turte tan Postal Ballot Paper aiah ADC Election-a a vawikhatna atan Ballot Paper pangngai hmanga vote an thlak theih nan Guidelines mumal tak tichhuakin ruahmanna siam a ni a, hemi hmang hian mi 23 in vote an thlak a ni.
12. Motor hman chungchang : Polling Official-te leh Election Official-te hman atan motor LMV -70 ruahman a ni. Heng motor-te hi ni 15.4.2013 hian Group 3-ah inthenin zing dar 9-10 am, 10-11 am leh 11am–12 noon-ah an Polling Station duty-na hmun tur an pan ang.
13. Venhimna lama inpuahchahna : Polling Station venhim uluk ngai zual bik Sensitive Polling Station 12 a awm a, hengah te hian Armed Police 3 leh Police Officer 1 theuh dah a ni ang a, Polling Station pangngaiah Police 2 zel dah an ni bawk ang. Security Zone 4-ah then a ni a, Zone khat zelah hian Police Officer pakhat chu Zonal Security Officer a ni ang a, hei hi Armed Police Section 1 in an vil bawk ang. Heng bakah hian Zone tinah MAP Platoon 1 Striking Force atan ruahman a ni bawk.
14. Electoral Information & Poll Monitoring System : Poll Day atan Electoral Information & Poll Monitoring System mumal tak siam a ni a, hei hian vote thlak dan emaw vote thlak lai meka Polling Station-a harsatna awm thei viz., EVM tha lo, booth capturing, intimidation etc. a thlen pawha inhrilh hriat zung zungna kawngah leh a tul anga hmalakna kawngah kori a tu hle tura ngaih a ni a. Polling Station pangngai 63 leh Auxilliary Polling Station 5 ah MPRO Wireless Operator te dah vek an ni ang a. Chawngte Control Centre bakah hmun 9 ah Sub-Control Centre dah an ni ang. Heng hmun atang te hian District Election Control Room, Chawngte-ah leh SEC Control Room Aizawl-ah hun bik neia report tur leh thil thleng hrang hrangte an report dawn a ni.
Heng bakah pawh hian a tul angin Wireless Local Loop (WLL) telephone leh Mobile phone hman tangkai a ni bawk ang. He Communication System hi a rintlak dawn em? tih enchhinna ni 16.4.2013 dar 12:00 Noon atang chawhnu dar 2:00 p.m. thleng ‘Trial Run of Communication System’ nei turin Commission chuan order a siam a, hemi hun chhung hian Polling Station tina Presiding Officers/Station Officers-te chuan Polling Party ten Polling Station an thlen tawh thu leh an thlen hun District Election Control Room-ah leh SEC Control Room-ah report ngei tura hriattir an ni. Chutih rual chuan MPRO, BSNL leh Service Provider dang te chu he hun hi lo ngaipawimawh theuh tura hriattir an ni a. Hemi hun chhung hian mipui vantlang pawhin SEC Office leh DECR hi lo be buailo tura ngen an ni.
Poll day leh Counting day a SEC Control Room information dawnnna tur Phone no. te chu hengte hi an ni:- 9436317177, 7308188001, 2300379, 2300475 & 2300401. Heng bakah hian SEC website – www.secmizoram.in ah mipui vantlang hriat tur awm chi chu update zel a ni ang. Tin, CADC General Election chhunga Media Officer atan Pu Robert L. Thangmawia IPRO chu ruat a ni a, a be pawp duh tan Phone no: 8575179780 ah biak pawh theih a ni ang.
15. Counting Plan: CADC inthlanpuia vote tla te hi April ni 19, 2013 hian SDO (Civil), Chawngte Office Complex-a Counting Hall 2-ah zing dar 8:00 am atangin chhiar tan a ni ang. Counting Hall No.1-ah 1-10 MDC Constituencies-a vote tla te chhiar a ni ang a, Counting Hall No.2-ah 11-20 MDC Constituencies-a vote tla te chhiar a ni ang. Result pumpui hi chawhnu dar 1:00 pm-ah chuan hriat theih vek tura beisei a ni.
16. Poll day holiday: CADC area chhunga Sawrkar hnathawk voter-ten vote an thlak ngei theih nan GAD in April ni 17, 2013 hi public holiday-ah a puang a ni.
17. Vote thlak tura sawmna : State Election Commission chuan CADC area chhunga voters zawng zawngte chu an aiawha roreltu tur thlannaah hian an vote hlu tak hmanga tel vek turin a sawm a ni.
Sd/- H. LIANZELA
Deputy Secretary,
State Election Commission,
Mizoram
