GE to LADC 2015 Press Note Schedule

STATE ELECTION COMMISSION

MIZORAM

______________________________________________________________

NO .B.12023/1/2015-SEC/LADC    :    Dated Aizawl, the 30^th October, 2015

PRESS NOTE

Subject:      Schedule for 10^th General Election to Lai Autonomous District Council, 2015.

Lai Autonomous District Council term chu Dt. 26.11.2015 hian a tawp dawn a. Hei vang hian sub-rule(4) of Rule 142 of the Lai Autonomous District Council (Constitution, Conduct of Business, etc) Rules, 2014 as amended in thuneihna a pek angin State Election Commission, Mizoram chuan a vawikhatna atan   Lai Autonomous District Council thar siam tura inthlanna a buatsaih dawn a. He inthlanna atana Commission hmalak dan leh Schedule of Election chu a hnuaia tarlan ang hi a ni:- 

1. No. of  Constituency & Polling Stations

Lai Autonomous District Council hnuaia Constituency leh Polling Station awm dan chu hetiang hi a ni:-

1. Electoral Data :- Ni 1.1.2015 qualifying date-a hmangin, Ni 2.9.2015 atanga ni 9.10.2015 chhung khan Electoral Rolls ennawnna (Revision) hna thawh a ni a, Ni.19.10.2015 khan Final Electoral Rolls chu  tarchhuah a ni. He Final Electoral Rolls ang hian Lai Autonomous District Councils hnuaia  General Election-a vote thlak thei tur chu mi 45,757 an ni a, chung zinga 23,279 chu hmeichhia niin, 22,478 chu mipa an ni. 

1. Identification of Electors:- Vote thlak turte chuan an nihna tichiang turin Election Commission of India-in an siam Electors Photo Identity Card(EPIC) an keng ngei tur a ni a, an neilo anih chuan anmahni nihna chiang hriat theihna Identity Card dang an keng tur a ni.

4.       Law & Order and Deployment of Forces:- Inthlanna muanawm leh felfai neih a nih theihna atan, dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate, Lawngtlai leh Superintendent of Police, Lawngtlai-te chu ruahmanna tul ang zawng zawng siam tura beisei an ni. A tul a nih chuan ralthuam ken chungchang leh aurinna hman chungchangah khapna thupek tichhuak tura beisei an ni.

5.       Election Officials:- Deputy Commissioner, Lawngtlai District chu District Election Officer (DEO)/Returning Officer (RO) atana ruat a ni a, amah puitu atan Asst. Returning Officer 4  ruat an ni bawk. 

6.       Conduct of Officials:- State Election Commission chuan inthlanna buatsaihna kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm dawn a ni. Heng bakah hian LADC huamchhunga Sawrkar hnathawk zawng zawngte chu Election Schedule puan atanga Election process zawh thlenga Sawrkar hnathawkte zawm tur State Election Commission-in a tihchhuah Code of Conduct chu zawm ngei tura beisei an ni.

7.       Videography & Photography:- Election process chhunga thil pawimawh bik, thil thleng danglam leh Model Code of Conduct bawhchhiatna a awm chuan chhinchhiaha thla la turin District Election Officer chu beisei a ni a, hei hian inthlanna felfai leh thianghlim a awm theihna’n kawngro a su tura ngaih a ni.

8.       Election Expenditure Monitoring:- Rule 189 of the Lai Autonomous District Council (Constitution, Conduct of Business, etc) Rules, 2014 as amended dungzuiin Candidate tin te chu Election Campaign atana an sum hmanral nitina chhinchhiah tur leh inthlanna result puan atanga ni 60 chhungin an sum hman dan report thehlut tura tih an ni ang. Candidate ten dan an zawm that leh that loh hi District Election thuneitute leh Observer ten an vil reng dawn a ni. Lai Autonomous District Council General Election-a Candidate ten campaign nana an sum hman theih zat hi Rs. 1,00,000/- (Rupees One Lakh) a bithliah a ni.

9.       Model Code of Conduct:- ‘Model Code of Conduct for Elections to Autonomous District Councils in Mizoram’ chu vawiin ni 30.10.2015 atang hian Lawngtlai District-ah hman tan nghal a ni.  He Model Code of Conduct hian Political Parties, Contesting Candidates, Ministers, Parliamentary Secretaries, Members of Parliament, Members of Legislative Assembly, Chief Executive Member, Executive Members, Members of District Council leh Lai Autonomous District Council thuneitute a huam ang. 

10.     Schedule of Election:- General Election to Lai Autonomous District Council neih dan tura ruahmanna - Schedule chu hetiang hian siam a ni:-

11.     Appeal:- State Election Commission chuan inthlanna fel fai leh muanawm kan neih theihna’n inthlanna buaipuitute, Political Parties, Media, NGOs leh mipui tawiawmna a ngen a.  Mipui duhthlanna kal tlanga Lai Autonomous District Council inrelbawlna tha tak a awm zui zel theih nana theih tawp chhuah theuh turin mitin te  a sawm a ni.

 By order etc., of the State Election Commissioner,

Sd/- H. DARZIKA

Secretary,

State Election Commission,

Mizoram.