GE to LMC 2023 Press Note Schedule

No.B.14016/1/2022-SEC/LMC/1         : Dated Aizawl, the 2^nd March, 2023

PRESS NOTE

Subject :         Schedule of 1^st General Election to Lunglei Municipal Council, 2023

Constitution of India - Article 243K leh 243ZA in thuneihna a pek dungzuia Section 346 (1) of the Mizoram Municipalities Act, 2007, as amended-in mawhphurhna a pek angin State Election Commission, Mizoram chuan Mizoram Sawrkar rawn chungin 1^st General Election to Lunglei Municipal Council, 2023 chu ni 29^th March, 2023 (Nilaini) hian a buatsaih dawn a ni.

1.         LMC Constituencies: Lunglei Municipal Council Inthlanpuiah hian Constituency 11 an awm a, kum 5 term atan Councillor turte kan thlang dawn a ni, hetiangin:-

2.         Identification of Electors :  Vote thlak turte chuan an nihna ti chiang turin Election Commission of India-in a siam EPIC an keng ngei tur a ni a, an neilo a nih chuan an nihna chiang taka hriat theihna Identity Card dang State Election Commission, Mizoram-in Order hmanga a tih chhuahte zinga mi an keng tur a ni.

            Vote thlak a nih dawnin vote – ‘neitu dik tak a ni’ tih chian theih a nih loh chuan vote an thlak thei lo ang.

3.         Dan leh thupek :  Inthlanna felfai leh muanawm kan neih theih nan dan leh thupek kengkawh turin District Magistrate leh Superintendent of Police, Lunglei District te beisei an ni a. Eng thil mahin Inthlanna hi a ti buai tur a ni lo.

            A tul a nih chuan Polling Station venhim ngai bikte an thlang chhuak ang a, venhimna kawngah hmaih nei loin hma an la tur a ni.

4.         Election Officials :  Deputy Commissioner, Lunglei District chu District Municipal Election Officer atan ruat a ni a,  Inthlanna buaipuitu atan veng hrang hranga Sawrkar hnathawkte chu ruat an ni ang.  Municipal Returning Officer, Asst. Municipal Returning Officer, Presiding Officer, Polling Officer leh Counting Officials atan pawh a theih chin chinah Municipality huam chhunga mi ruat an ni ang.

5.         Election Observer : General Election to Lunglei Municipal Council, 2023 atan hian Election Observer an awm dawn a. Anni hian inthlan chungchanga hma lak dante ngun takin an vil dawn a.  Inthlan kalpui dana lungawi lohna neite chuan Election Observer-te an hriattir thei ang. Candidate te Election Expenses en dik turin Expenditure Observer hranpa ruat a ni lo a, Election Observer-te hian he hna hi an kawp nghal ang.

6.         Conduct of Official :  State Election Commission chuan inthlanpui buatsaihnaa mawhphurtute chu duhsak bik emaw hlauh bik emaw an neih a rem ti lo a, a lai thei ang bera hna thawk tura beisei an ni.  An vai hian inthlan zawh hma chu State Election Commission hnuaiah deputation-a kal anga ngaih an ni a, Commission kaihhruaina leh thuneihna hnuaiah an thawk a ni.

7.         Electronic Voting Machine (EVM) :  Sub-section (i) of Section 37 of the Mizoram Municipalities Act, 2007, as amended-in a sawi angin 1^st General Election to Lunglei Municipal Council, 2023-ah hian Electronic Voting Machine (EVM) hman a ni ang.

8.         Polling Station : Vote thlaktute’n him leh awlsam, hun khawhral lo leh rang zawka vote an thlak theih nan Polling Station 44 (sawmli leh pali) ah vote hi thlak tura ruahman a ni.

9.         Indelible Ink :  Vote thlak nawn leh mi aia vote thlak tumte ven nan vote thlaktute kut vei lam zungchal tin leh vuna kai telin Indelible Ink tah vek tur a ni ang.

10.       Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awm khawm nan Common Election Camp pakhat chauh siam phal a ni a, he camp hi mawlmang thei ang bera siam tur a ni.  Flag te, Poster te, Symbol te leh thu ziak, Political Party emaw Candidate lam kaihhnawih ziahna eng mah tar loh tur a ni.  He camp-ah hian party tinte pawm tlan theih tur, tualchhung mi (NGO)-te duty tur a beisei an ni.

11.       Term : Mizoram chhunga Municipality-a Councillor Term hi kum nga (5) a ni a, tun tum inthlanah pawh hian Lunglei Municipal Council Term hi kum nga (5) a ni ang.

12.       Model Code of Conduct :  Model Code of Conduct chu tun atang hian Lunglei Municipality huam chhhungah hman tan nghal a ni a.  He Model Code of Conduct hian Political Party zawng zawng te, Contesting Candidate zawng zawng te, Minister te, MLA te leh Lunglei Municipal Council inthlannaa inhnamhnawih Public Servant te a huam ang.

13.       Schedule of Election :  Hetiang hian 1^st General Election to Lunglei Municipal Council, 2023 neih dan tura ruahmanna – Schedule of Election chu a siam a ni:

14.       Ngenna :  State Election Commissioner, Mizoram chuan inthlanna him, fel fai leh muanawm kan neih theih nan inthlanna buaipuitu, Political Party te, Media te, NGO te leh mipui tawiawmna a ngen a. Mipui duhthlanna kal tlanga tualchhung inrelbawlna tha tak kan neih theih nana theih tawp chhuah theuh turin mitin te a sawm a. Ni 29^th March, 2023 (Nilaini)-ah hian Democracy (mipui rorelna) ti hlawhtling tura vote thlak theuh turin Lunglei Municipality huam chhunga mipui vote nei zawng zawng te chu a sawm a ni.

Sd/- R. VANRENGPUIA

Deputy Secretary,

State Election Commission,

Mizoram.