GE to VC 2015 Press Note Schedule

STATE ELECTION COMMISSION

MIZORAM

PRESS NOTE

Dated Aizawl, the 1^st April, 2015

Subject :     Schedule of General Election to Village Councils, 2015.

Mizoram chhunga District 6 (paruk) Aizawl, Lunglei, Serchhip, Champhai, Mamit leh Kolasib-a Village Council term chu thla hnih pawhsei anih hnuah ni 30 April, 2015 hian a tawp dawn avangin, sub-section (7) of section 3 of The Lushai Hills District (Village Councils) Amendment Act 2014 leh chumi hnuaia dan siam Rule 3 (1) of The Mizoram (Election to Village Councils) Rules, 2014 in thuneihna a pek angin State Election Commission, Mizoram chuan Inthlanpui 2015 chu ni 30 April, 2015 hian a buatsaih dawn a ni.

1.       Village Council :  A hnuaia mi hi vote neih zat, seat zat, hmeichhe seat leh Polling Station/ Polling Booth zat etc. te a ni. 

2.       Electoral Roll :  Tun tum inthlanna turah hian thil chhinchhiah tlak tam tak zingah – inthlanna felfai neih theihna tura Electoral Roll siamnaah dan thar hman a ni.

          Inthlan dan thar – The Mizoram (Election to Village Councils) Rules 2014 – Rule 16 in a phut angin – Assembly Electoral Roll thar ber draft roll ah hmangin, kum tling chhiar nan 1.1.2015 ruat a ni.  Final Roll hi ni 16.2.2015 ah peih a ni, hetiangin :        

Kum 2012-a Village Council inthlanah khan vote nei thei 4,06,003 an awm laiin, a hnu kum 3 ah 3,96,610 awmin mi 9402 in tun tumah an tlem zawk dawn tihna a ni a, hei hian Electoral Roll kan hman tur a felfai zia a hrilhfiah mai awm e.

3.       Identification of Electors :  Vote thlak turte chuan an nihna tichiang turin Election Commission of India in an siam EPIC an keng ngei tur a ni a, an neilo anih chuan anmahni nihna chiang hriat theihna Identity Card dang an keng tur a ni.

            Vote thlak anih dawn in vote – ‘neitu dik tak a ni’ tih chian theih anih loh chuan vote an thlak ve thei lovang.

4.       Dan leh thupek :  Inthlanna felfai leh muanawm kan neih theih nan dan leh thupek kenkawh kawngah District Magistrate leh Superintendent of Police te’n anmahni District huam chhungah mawh an phur ang.  Eng thil mahin Inthlanna hi a tibuai tur a ni lo.

          A tul anih chuan Polling Station venhim uluk ngai bikte an thlang chhuak anga, venhimna kawngah hmaih neilo in hma an la tur a ni.

5.       Election Officials :  Deputy Commissioner 6 (paruk) te chu District Election Officer atan ruat an ni a, an District tina Election Officer te pawh Assitant District Election Officer atan ruat an ni.   Inthlanna buaipuitu atan hian khaw hrang hranga Sawrkar hnathawkte chu ruat an ni dawn a.  Returning Officer, Presiding Officer leh Polling Officer atan pawh tualchhung mi ruat an ni ang.

6.       Election Observer :  District tinah mamawh dan azirin sawrkar Officer-te chu Election Observer atan ruat an ni ang.  An ni hian inthlanna chungchanga hma lak dan ngun takin an vil dawn a.  Inthlan kalpui dana lungawi lohna neite chuan an biala Election Observer an hriattir tur a ni ang.

7.       Conduct of Officials :  State Election Commission chuan inthlanna buatsaihna a mawhphurhtu tupawh duh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni.  An zavai hian inthlan zawh hma chu State Election Commission hnuaiah deputation a kal anga ngaih an ni a, Commission thuneihna hnuaiah an thawk a ni.

8.       Single Ballot Box :  Vote thlaktuten an thlakna midangin an rin hriat mai theih lohna tur te, inthlanna thianghlim leh felfai kan neih theihna turin Ballot paper – General seat leh Reserved seat te Ballot Box pakhatah thlak vek tur a ni.

9.       Ballot Paper :  Ballot Paper hi General seat tan pakhat leh Reserved seat tan pakhat a rawng in anglo hman tur a ni anga, a pahnih chuan Ballot Box pakhat ah thlak kawp tur a ni ang.

10.     Voting Compartment :   Vote thlaktuten awlsam leh hun khawhral lo zawka vote an thlak theih nan voters tamna deuh ah chuan voting compartment pakhat aia tam ruahman a ni a.  Polling booth 597 ah hian voting compartment 800 siam a ni.

11.     Indelible Ink :  Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink tah vek tur a ni ang.

12.     Common Election Camp : Party worker-te inkara boruak tha lo pumpelh nan Polling Booth bulah Political Party-te leh Candidate-te awmkhawm nan Common Election Camp pakhat chauh siam phalsak an ni, he camp hi mawlmang thei ang bera siam tur a ni.  Flag te, Poster te, Symbol te leh thuziak Political Party emaw Candidate lam kaihhnawih ziahna engmah tar loh tur a ni.  He camp ah hian pawm tlan theih tuemaw in a ho ang.

13.     Reservation of Seat :  Tun tum Inthlanpui hi District 6 (paruk) tan chuan roreltu thlannaah bung thar pawimawh tak kan kaina tur a ni.  Democracy bulthut rorelnaa hmeichhiate an tel ve ngei ngei na turin an tan Village Council tinah seat zuat sak bik a awm a, hetiangin :

          (1)     In 200 chin hnuai lamah VC Member 3-ah hmeichhia 1

          (2)     In 201 – 500 awmnaah VC Member 5-ah hmeichhia 1

          (3)     In 501 – 1000 awmnaah VC Member 7-ah hmeichhia 2

          (4)     In 1001 aia tamah VC Member 9-ah hmeichhia 3

          Hmeichhia te’n an tan a zuat sak bak seat dang pawh an duh chuan an la chuh thei tho a ni.

14.     Village Council Term :   Kumin inthlan atang hian Village Council Term kum thum (3) ni thin chu kum nga (5) a ni tawh dawn a ni.            

15.     Model Code of Conduct :  Model Code of Conduct for General Election to Village Councils chu tun atang hian heng district – Aizawl, Lunglei, Serchhip, Champhai, Mamit leh Kolasib-ah te hman tan nghal a ni.  He Model Code of Conduct hian Political Party zawng zawng, Contesting Candidate zawng zawng te, Minister-te, Parliamentary Secretary-te, Member of Parliament-te, MLA-te, Municipal Councillor-te leh Village Council inthlannaa inhnamhnawih Public Servant te a huam ang.

16.     Schedule of Election :  Hetiang hian General Election to Village Councils – 2015 neih dan tura ruahmanna – Schedule chu a siam a ni.

17.     Appeal :  State Election Commission chuan inthlanna fel fai leh muanawm kan neih theih nan inthlanna buaipuitute, Political Party te, Media te, NGO te leh mipui tawiawmna a ngen a.  Mipui duhthlanna kal tlanga tualchhung inrelbawlna tha tak kan neih zui zel theih nana theih tawp chhuah theuh turin mitin te a sawm a ni.

By Order etc. of State Election Commissioner

Sd/- H. DARZIKA

Secretary

State Election Commission

Mizoram

Memo No. B.12011/57/2014-SEC/VC/Part II  :   Dated Aizawl the 1^st April, 2015

Copy to :

(1)     Secretary to the Governor of Mizoram for favour of information.

(2)     PS to Chief Minister, Mizoram for favour of information.

(3)     PPS to Chief Secretary, Mizoram for favour of information.

(4)     PS to Minister, UD & PA Deptt./ LAD for favour of information.

(5)     Guard File.

Secretary

State Election Commission

Mizoram