STATE ELECTION COMMISSION

MIZORAM

_________________________________________________

No.B.12011/46/2012-SEC/LADC/VC   :            Dated Aizawl, the 26th  March, 2014

 

PRESS NOTE

 

 

Subject:      13th General Election to Village Councils under Lai Autonomous District Council, 2014 tluang taka neih zawh a ni ta.

 

Lai Autonomous District Council hnuaia Village Councils Inthlanpui chu ni 25.3.2014 khan tluang taka neih zawh a ni ta. Village Council 93 awma  85-a  inthlang tura ruahmanna siam a nih lain 63-Tuisentlang Village Council Constituency-ah Independent candidate ten vote thlak tan hma maiah an Bawm khar ni a an in sawi avangin vote thlak an awm lo a, Village Council 84-ah inthlanna hi neih a ni ta a ni. He Village Council inthlanpui neihna khua 84 voters 43,490 awmah voters 33,445 in vote an thlaka. A pumpuia Voter turn-out percentage chu 76.90% a ni. 

 

Vote tlak that berna khua hi 100% tlakna Kakichhuah a ni a, Voter 154 awmah 154 in vote an thlak a ni. Vote tlak chhiatna ber chu Archhuang khua a ni a, he khuaah hian 18.58% chauh vote a tla thung a ni. A pumpuia Vote thlaktute zinga upa ber chu Upa Thanthiaua s/o Hniarhmunga (L), Thaltlang khua, kum 115 a upa a ni. 

Vote tla te hi ni 12.4.2014 a chhiar chauh tur a nih avangin Ballot Box zawng zawngte hi Lawngtlai-a Storage Centre - BNRGSK Hall-ah phurhkhawm vek a ni a, Polled Ballot Box hnuhnung ber chuan ni 26.3.2014 zing dar 9:00 a.m. vel khan Storage Centre, Lawngtlai a thleng a ni. Vote chhiar dan tur leh chhiarna hmun tur chungchang erawh chu Commission-in ruahmanna a la siam dawn a ni. 

 

He inthlanpuiah hian harsatna lian tham thleng engmah a awm lo a, vote thlak chungchang bakah dan leh thupek kenkawh kawngah leh inbiak pawhna lamah pawh District Election official-te, Election Observers, Sector Officers,  Returning Officer,  Polling Officials, District Police, MPRO,  Political party-te leh NGO a bik takin Young Lai Association (YLA) te inpekna leh thahnemngaihna  avangin a felfaiin a muanawm  hle a ni. Hemi avang hian SEC chuan he inthlanpui tluang taka neih a nih theihna atana mawhphurtu leh tha thawhtu zawng zawngte chungah lawmthu a sawi tak meuh meuh a ni.

 

 

 

 

Sd/- H. DARZIKA

Secretary,

State Election Commission,

Mizoram.