No. B. 12011/1/2019-SEC/VC/Part IV
STATE ELECTION COMMISSION
MIZORAM
***
PRESS NOTE
Dated Aizawl, the 5th February, 2021.
Subject : Aizawl District chhunga Darlawn Venghlun Village Council (Reserved Seat) Re-poll tluang taka neihzawh a ni.
State Election Commission chuan ni 27.08.2020 leh 04.09.2020 te khan Mizoram chhunga District 9 (pakua)-ah Village Council inthlanpui a lo buatsaih tawh a, he intlanpuiah hian result tih chhuah vek a nih hnuin danin a phalsak anga he inthlanpui neih taka candidate-te’n Election Petition an theh luh theih hun chhunga sawi buai tur an neih te, an lungawi lohna chi hrang hrang State Election Commission-ah an theh lut a, heng lungawi lohna te ching fel tur hian Rule 86 of the Mizoram (Election to Village Councils) Rules, 2014 in thu neihna a pek angin ni 05.10.2020 khan State Election Commission chuan Election Tribunal a ruat a. Election Tribunal-te’n an thu buai ngaihtuah turte an ngaihtuah hnuin Aizawl District chhunga Darlawn Venghlun Village Council a Reserved Seat chu inthlan that a lo ngai ta a. Election Tribunal thu thlukna bawh zuiin State Election Commission chuan Darlawn Venghlun Village Council (Reserved Seat) Member thlan that (repoll) ni tur atan 5.2.2021 a ruat angin, inthlan thatna (repoll) chu tluang taka neih a ni.
Darlawn Venghlun Village Council-a Reserved Seat leh Voter awmzat
Reserved Seat : 1
Total Voters : 1333
Male Voters : 632
Female Voters : 701
Voter Turnout:
Vote thlak zawng zawng : 867
Mipa Voters : 418
Hmeichhe Voters : 449
Za zel a Vote tla zat : 65.04%
Political Party Seat lakdan:
Party |
| Reserved |
Mizo National Front | : | 0 |
Zoram Peoples’ Movement | : | 1 |
Darlawn Venghlun Village Council Reserved Seat inthlan thatna neih a thlan tlin thar chu a hnuai table a tarlan ang hi a ni:
No & Name of Village Council | Name of Elected Candidate | Party |
| |||||
VC01007 | Darlawn Venghlun | 1 | Lalhmingmawii | ZPM |
| |||
Darlawn Venghlun Village Council (Reserved Seat) atan a vote thlak thatna neihah hian harsatna awm lovin inthlanna tluang taka neih a ni a, he inthlanna atana mawhphurtu ber Deputy Commissioner & District Election Officer, Superintendent of Police, Assistant District Election Officer, Sector Officer, Returning Officer, Presiding Officer, Polling Officer, Booth/Village Level Officer leh Police force-te inpekna avangin inthlanna tluang taka zawh fel a ni a, State Election Commission chuan an chungah lawmthu a sawi a ni.
COVID-19 hripui laka mipuite him theihna tura State Election Commission-in General Election to Village Councils neih zawh taka inkaihhruaina a tih chhuahte keng kawh zui tura District thu neitute thu a pek angin, District thu neituten dan leh thupek mipuite zawm tur an tih chhuahte mipui ten felfai taka zawm a nih avangin inthlanna tluang taka neih a ni.
Inthlan chungchanga mipuite leh political party te leh candidate te hriat tur pawimawh State Election Commission-in a tih chhuah, thu thar, rang taka min puan chhuahsak thintu Information & Public Relations Department-a thawk zawng zawngte leh Media-te hnenah State Election Commission chuan lawmthu a sawi bawk a ni.
State Election Commission, Mizoram chuan Village Council member thlan thar te lawmpuina a hlan a, hripui leng kara Democracy innghahna pawimawh tak Village Council inthlanna ti hlawhtling tura Darlawn Venghlun khaw mipui, vote thlaktu zawng zawng te chungah lawmthu a sawi bawk a ni.
By Order etc. of State Election Commissioner
Sd/- LAWMKIMA
Deputy Secretary,
State Election Commission,
Mizoram.
