Press Note - Schedule of By Election Aiz & Kol

STATE ELECTION COMMISSION

MIZORAM

***

 

PRESS NOTE

 

Dated Aizawl, the 12^th April, 2016

 

Subject :       Schedule of By- Election to Village Councils, 2016 under Aizawl and Kolasib District.

 

General Election to Village Councils 2015, April 30 2015-a kan neih khan Aizawl District huamchhung khaw 25 leh Kolasib District huamchhung khaw 6 ah te in vauna leh intihthaihna te a awm avangin engkim peihfel a, sum sen ngai te sen vek anih tawh hnuah, inthlanna a chuhtu an awm ngam tak loh avangin Inthlanna neih a ni ta lo anih kha.

 

The Lushai Hills District (Village Councils) Amendment Act 2014, sub-section (7) of Section 3 leh chumi hnuaia dan siam The Mizoram (Election to Village Councils) Rules 2014, Rule 3(1) in thuneihna a pek angin State Election Commission chuan heng khua 31 ah te hian By-Election to Village Councils neih tur thu puangin May 19, 2016-ah vote thlak tur a ni ang.

 

1.         Village Council seat awmdan leh Electoral Roll :  Heng Village Councils 31 te pual pawh hian General Election 2015-ah khan Village Council thlanna dan thar The Mizoram (Election to Village Councils) Rules 2014 – Rule 16 in a phut angin, a hun lai a Assembly Roll thar ber kum tling chhiar nana ni 1 January 2015 hmangin Village Council dangte rual in Electoral Roll siam sak ve vek an ni a, chutih laia an dinhmun chu a hnuai ami ang hi a ni.

 

AIZAWL DISTRICT :

 

 

KOLASIB DISTRICT

 

 

                        Amaherawhchu, inthlanna neih anih tak loh avang hian tun tum By-Election atan hian a thar diai, Assembly Electoral Roll thar ber, ni 1.1.2016 kumtling chhiar nan a hmangin Electoral Roll siam a ni. Hetiangin :

 

AIZAWL DISTRICT :

 

 

KOLASIB DISTRICT

 

 

2.         Identification of Electors :  Vote thlak turte chuan an nihna tichiang turin Election Commission of India in an siam EPIC an keng ngei tur a ni a, an neilo anih chuan anmahni nihna chiang hriat theihna Identity Card dang an keng tur a ni.

            Vote thlak anih dawn in vote – ‘neitu dik tak a ni’ tih chian theih anih loh chuan vote an thlak ve thei lovang.

 

3.         Dan leh thupek :  Inthlanna felfai leh muanawm kan neih theih nan dan leh thupek kenkawh kawngah District Magistrate leh Superintendent of Police te’n anmahni District huam chhungah mawh an phur ang.  Eng thil mahin Inthlanna hi a tibuai tur a ni lo.

            A tul anih chuan Polling Station venhim uluk ngai bikte an thlang chhuak anga, venhimna kawngah hmaih neilo in hma an la tur a ni.

 

4.         Election Officials :  Deputy Commissioner 2 (pahnih) te chu District Election Officer atan ruat an ni a, an District 2-ah Election Officer te pawh Assitant District Election Officer atan ruat an ni.  Inthlanna buaipuitu atan hian khaw hrang hranga Sawrkar hnathawkte chu ruat an ni dawn a.  Returning Officer, Presiding Officer leh Polling Officer atan pawh tualchhung mi ruat an ni ang.

 

5.         Election Observer :  Mamawh dan azirin sawrkar Officer-te chu Election Observer atan ruat an ni ang.  An ni hian inthlanna chungchanga hma lak dan ngun takin an vil dawn a.  Inthlan kalpui dana lungawi lohna neite chuan an biala Election Observer an hriattir tur a ni ang.

 

6.         Conduct of Officials :  State Election Commission chuan inthlanna buatsaihna a mawhphurhtu tupawh duh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni.  An zavai hian inthlan zawh hma chu State Election Commission hnuaiah deputation a kal anga ngaih an ni a, Commission thuneihna hnuaiah an thawk a ni.

 

7.         Single Ballot Box :  Vote thlaktuten an thlakna midangin an rin hriat mai theih lohna tur te, inthlanna thianghlim leh felfai kan neih theihna turin Ballot paper – General seat leh Reserved seat te Ballot Box pakhatah thlak vek tur a ni.

 

8.         Ballot Paper :  Ballot Paper hi General seat tan pakhat leh Reserved seat tan pakhat a rawng in anglo hman tur a ni anga, a pahnih chuan Ballot Box pakhat ah thlak kawp tur a ni ang.

 

9.         Voting Compartment :      Vote thlaktuten awlsam leh hun khawhral lo zawka vote an thlak theih nan voters tamna deuh ah chuan voting compartment pakhat aia tam ruahman a ni a.  Polling booth 34 ah hian voting compartment 44 siam a ni.

 

10.       Indelible Ink :  Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink tah vek tur a ni ang.

 

11.       Common Election Camp : Party worker-te inkara boruak tha lo pumpelh nan Polling Booth bulah Political Party-te leh Candidate-te awmkhawm nan Common Election Camp pakhat chauh siam phalsak an ni, he camp hi mawlmang thei ang bera siam tur a ni.  Flag te, Poster te, Symbol te leh thuziak Political Party emaw Candidate lam kaihhnawih ziahna engmah tar loh tur a ni.  He camp ah hian pawm tlan theih tuemaw in a ho ang.

 

12.       Reservation of Seat :  Tun tum General Election to Village Councils 2015 kha roreltu thlannaah bung thar pawimawh tak kan kaina a ni a.  Democracy bulthut rorelnaa hmeichhiate an tel ve tan na a ni.  Chutiang bawkin heng khaw 31 ah te hian hman ve nghal tur a ni, hetiangin:

 

            (1)       In 200 chin hnuai lamah VC Member 3-ah hmeichhia 1

            (2)       In 201 – 500 awmnaah VC Member 5-ah hmeichhia 1

            (3)       In 501 – 1000 awmnaah VC Member 7-ah hmeichhia 2

            (4)       In 1001 aia tamah VC Member 9-ah hmeichhia 3

           

Hmeichhia te’n an tan a zuat sak bak seat dang pawh an duh chuan an la chuh thei tho a ni.

 

13.       Village Council Term :   General Election to Village Council 2015 inthlan atang hian Village Council Term kum thum (3) ni thin chu kum nga (5) a ni tawh dawn a ni.  Heng khua 31 Village Council te term pawh hi General Election to Village Council 2015 te hun chhung nen a in ang ang.                

 

14.       Model Code of Conduct :  Model Code of Conduct for By-Election to Village Councils chu tun atang hian heng district – Aizawl leh Kolasib Inthlanna Constituencies huam chhungah te hman tan nghal a ni.  He Model Code of Conduct hian Political Party zawng zawng, Contesting Candidate zawng zawng te, Minister-te, Parliamentary Secretary-te, Member of Parliament-te, MLA-te, Municipal Councillor-te leh Village Council inthlannaa inhnamhnawih Public Servant te a huam ang.

 

15.       Schedule of Election :  Hetiang hian By-Election to Village Councils – 2016 neih dan tura ruahmanna – Schedule chu a siam a ni.

 

 

16.       Appeal :  State Election Commission chuan inthlanna fel fai leh muanawm kan neih theih nan inthlanna buaipuitute, Political Party te, Media te, NGO te leh mipui tawiawmna a ngen a.  Mipui duhthlanna kal tlanga tualchhung inrelbawlna tha tak kan neih zui zel theih nana theih tawp chhuah theuh turin mitin te a sawm a ni.

 

 

 

By Order etc. of State Election Commissioner

 

 

 

Sd/- H. DARZIKA

Secretary

State Election Commission

Mizoram

 

Memo No. B.12011/7/2015-SEC/VC                   :           Dated Aizawl the 12^th April, 2016

Copy to :

1. Director I&PR Department - A zau thei ang bera puang zar tura ngen a ni.

2. Deputy Commissioner / District Election Officer, Aizawl leh Kolasib District. An huam chhungah a darh zau thei ang bera puang zar turin.

3. General Secretary, BJP/ INC/ MNF/ MPC/ ZNP.

4. Guard File.

 

 

Secretary

State Election Commission

Mizoram