Press Note - Schedule of GE to VC (Non sixth Schedule Area), 2020

No.B.12011/1/2019-SEC/VC-Vol-II        :          Dated: Aizawl, the 5^th August, 2020

PRESS NOTE

Subject :      Schedule of General Election to Village Councils, 2020.

Mizoram District 9-a Village Councils term chu 7^th September, 2020 hian a lo tawp dawn ta a, Constitution of India - Article 243K in thuneihna a pek dungzuia sub-rule (1) of Rule 3 of The Mizoram (Election to Village Councils) Rules, 2014 in mawhphurhna a pek angin State Election Commission, Mizoram chuan Aizawl, Lunglei, Serchhip, Champhai, Mamit, Kolasib, Siatual, Khawzawl leh Hnahthial District chhunga Village Council - 558 te tan Inthlanpui vawi 20-na tur chu ni 27 August, 2020 (Ningani) hian a buatsaih dawn a ni.

                   Hetih lai hian COVID-19 hripui leng mek laka invenna atan leh a darh zel tur danna atan Mizoram Sawrkar Order No.B.13021/101/2020-DMR/Pt-III, Dt.31.07.2020 hmanga mipui himna tura inkaihhruaina siam (SOP) chu ni 31.08.2020 thleng hman tur a ni a. He inkaihhruaina hnuaiah hian State Election Commission, Mizoram chuan Village Council leh Local Council Inthlanpui chhunga hman tur Inkaihhruaina kalpui dan tur a duang bawk a ni. Heng inkaihhruainate hi Election Officials te, Political Party te leh mipui zawng zawng te zawm vek turin a ngenin a beisei a ni.

1.       Village Council : Village Council Inthlanpui vawi 20-na, 2020-ah hian Hmeichhe tan seat zuatsak leh niin, kum 5 term atan Village Council Member kan thlang dawn a ni, hetiangin:-

2.       Identification of Electors :  Vote thlak turte chuan an nihna ti chiang turin Election Commission of India in a siam EPIC an keng ngei tur a ni a, an nei lo a nih chuan an nihna chiang taka hriat theihna Identity Card dang an keng tur a ni.

          Vote thlak a nih dawnin vote – ‘neitu dik tak a ni’ tih chian theih a nih loh chuan vote an thlak thei lo ang.

3.       Dan leh thupek :   Inthlanna felfai leh muanawm kan neih theih nan dan leh thupek kenkawh kawngah District Magistrate leh Superintendent of Police, Aizawl te beisei an ni a. Eng thil mahin Inthlanna hi a ti buai tur a ni lo.

          A tul a nih chuan Polling Station ven him ngai bikte an thlang chhuak ang a, ven himna kawngah hmaih nei loin hma an la tur a ni.

4.       Election Officials :   Deputy Commissioner, 9(pakua) te chu District Election Officer atan ruat an ni a, District tin a Election Officer-te pawh Assistant District Election Officer atan ruat an ni.  Inthlanna buaipuitu atan hian atul angin Sawrkar hnathawkte chu ruat an ni a.  Returning Officer, Presiding Officer leh Polling Officer atan pawh a theih chin chinah khawchhung mi ruat an ni ang.

5.       Election Observer :   Election Observer an awm dawn a.   Anni hian inthlan chungchanga hma lak dan ngun takin an vil dawn a.  Inthlan kalpui dana lungawi lohna neite chuan Election Observer-te an hriattir thei ang.

6.       Conduct of Official :   State Election Commission chuan inthlanna buatsaihnaa mawhphurhtu tu pawh duhsak bik emaw hlauh bik emaw an neih a rem ti lo a, a lai thei ang bera hna thawk tura beisei an ni.  An vai hian inthlan zawh hma chu State Election Commission hnuaiah deputation-a kal anga ngaih an ni a, Commission kaihhruaina leh thu neihna hnuaiah an thawk a ni.

7.       Single Ballot Box :  Vote thlaktuten an thlakna mi dangin an rin hriat mai theih lohna tur te, inthlanna thianghlim leh felfai kan neih theihna tur tein Ballot paper – General seat leh Reserved seat te Ballot Box pakhatah thlak vek tur a ni.

8.       Ballot Paper :   Ballot Paper hi General seat tan pakhat (a var/white) leh Reserved seat tan pakhat (a senno/pink) a rawng inang lo hman tur a ni ang a, a pahnih chuan Ballot Box pakhatah thlak kawp tur a ni ang.

9.       Voting Compartment : Vote thlaktuten awlsam leh hun khawh ral lo zawka vote an thlak theih nan voter tamna deuhah chuan Polling Booth leh Voting Compartment pakhat aia tam ruahman a ni.

10.     Indelible Ink :   Vote thlak nawn leh mi aia vote thlak tumte ven nan vote thlaktute kut vei lam zungchal tin leh vuna kai telin Indelible Ink tah vek tur a ni ang.

11.     Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awm khawm nan Common Election Camp pakhat chauh siam phal a ni a, he camp hi mawlmang thei ang bera siam tur a ni.  Flag te, Poster te, Symbol te leh thu ziak, Political Party emaw Candidate lam kaihhnawih ziahna eng mah tar loh tur a ni.   He camp-ah hian party tinte pawm tlan theih tur, tualchhung mi (NGO/MPF) te duty tur a beisei an ni.

12.     Reservation of Seat :   Tun tum Inthlanpui hi roreltu thlannaah bung thar pawimawh tak kan kai tak chhunzawmna tur a ni a.  Democracy bulthut rorelnaa hmeichhiate an tel ve ngei ngeina turin an tan Village Council tinah seat zuatsak bik a awm a, hetiangin:

          Sub-section (2) of Section 3 of the Lushai Hills Distirct (Village Councils) (Amendment) Act, 2014, as amended-in a sawi angin Village Council member a zirin a hnuai ami ang hian hmeichhiate tan chuh theih a ni, hetiangin:

• (1)   Village Council member 3 awmnaah hmeichhia 1
• (2)   Village Council member 5 awmnaah hmeichhia 1
• (3)   Village Council member 7 awmnaah hmeichhia 2
• (4)   Village Council member 9 awmnaah hmeichhia 3

          Hmeichhia te’n an tana zuatsak bak General seat pawh an duh chuan an la chuh thei a ni.

13.     Village Council Term : Kum 2015 atanga Village Council Term kum nga (5) chu chhunzawm zelin, kumin inthlanah pawh hian Vilage Council Term hi kum nga (5) a ni ang.

14.     Model Code of Conduct :   Model Code of Conduct chu tun atang hian Heng District 9 Aizawl, Lunglei, Serchhip, Champhai, Mamit, Kolasib, Saitual, Khawzawl leh Hnahthial District huam chhhungah hman tan nghal a ni.   He Model Code of Conduct hian Political Party zawng zawng te, Contesting Candidate zawng zawng te, Minister te, MLA te leh Village Council inthlannaa inhnamhnawih Public Servant te a huam ang.

15.     Schedule of Election :  Hetiang hian General Election to Village Councils, 2020 neih dan tura ruahmanna – Schedule of Election chu a siam a ni:

16.     Ngenna :  State Election Commission chuan inthlanna fel fai leh muanawm kan neih theih nan inthlanna buaipuitu, Political Party te, Media te, NGO te leh mipui tawiawmna a ngen a.   Mipui duh thlanna kal tlanga tualchhung inrelbawlna tha tak kan neih zui zel theih nana theih tawp chhuah theuh turin mitin te a sawm a ni.

By Order etc. of State Election Commissioner, Mizoram

    Sd/- TERESY VANLALHRUAII

Secretary,

State Election Commission

Mizoram.

Memo No.B.112011/1/2020-SEC/VC-Vol-II     : Dated: Aizawl, the 5^th August, 2020

Copy to:-

1. Secretary to the Governor of Mizoram, for kind information of the Hon’ble Governor.
2. Addl. Chief Secretary to Chief Minister, Mizoram for kind information of the Hon’ble Chief Minister.
3. P.S. to Speaker, Mizoram Legislative Assembly for favour of information.
4. P.S. to Deputy Chief Minister, all Ministers, Deputy Speaker, Ministers of State for favour of information.  
5. P.S. to Minister, General Administration Department for kind information.
6. Sr. P.P.S to Chief Secretary, Government of Mizoram for kind information.
7. P.P.S to Chief Electoral Officer, Mizoram for kind information.
8. Addl. Chief Secretary, General Administration Department for kind information.
9. Secretary, LAD for kind information.
10. Deputy Commissioner & District Election Officer, Aizawl, Lunglei, Serchhip, Champhai, Mamit, Kolasib, Saitual, Khawzawl and Hnahthial Districts for favour of information and necessary action.
11. Superintendent of Police, Aizawl, Lunglei, Serchhip, Champhai, Mamit, Kolasib, Saitual, Khawzawl and Hnahthial Districts for information and necessary action.
12. Director, I&PR Department for favour of wide publicity.
13. Chairman/General Secretary, i/c. Election, all Political Parties, Aizawl, Lunglei, Serchhip, Champhai, Mamit, Kolasib, Saitual, Khawzawl and Hnahthial Districts.
14. Guard file.

Secretary,

State Election Commission

Mizoram.