State Election Commission, Mizoram, Government of Mizoram, India

No.B.12024/1/2016-SEC/VC/MADC/VOL-II :Dated Aizawl, the 14^th December, 2016

PRESS NOTE

Subject : By-Election to Village Councils under Mara Autonomous District Council, 2016.

State Election Commission, Mizoram thupek, kaihhruai leh enkawlna hnuaia Mara Autonomous District Council huam chhunga Village Council pariat, 22-New Siaha ‘W’, 35-Chhaolo-II, 37-Amobyu Vaithie, 71- Mawhro, 73-Chapi-II, 75-Pala, 83-Miepu-II leh 92-Lopu-III a By-Election lo awm tur atana inbuatsaihna chuan a vawrtawp a thleng ta. Chhaolo-II ah erawh chuan Electoral Roll chungchangah harsatna a awm avangin inthlan buatsaih theih a ni dawn ta lo a ni. A dang khaw sarihahte chuan naktuk, ni 15 December, 2016 (Ningani) zing dar 7:00 atanga vote thlak tanin tlai dar 4:00 thleng vote hi thlak turin inruahmanna peih fel a ni ta. Vote thlak zawh fel a nih veleh vote te hi chhiar nghal tura ruahman a ni a. Polling Station te hi Counting Station an ni nghal ang. He inthlan buaipui tura ruat zawng zawngte pawh an duty-na tur hmunah theuh an awm tawh a ni.

22-New Siaha ‘W’ VC Constituency-ah hian Voter 1612 awmin heng zinga 754 hi Mipa niin, 858 te chu Hmeichhia an ni a. VC General Seat 1 thlan tur niin mi 2-in an inchuh ang. Polling Station atan hian Primary School building hman tur a ni.

37-Amobyu Vaithie VC Constituency-ah hian Voter 430 awmin heng zinga 195 hi Mipa niin, 235 te chu Hmeichhia an ni. VC General Seat 1 thlan tur a ni a, mi 2-in an chuh ang. Polling Station atan hian Primary School building hman tur a ni.

71- Mawhro VC Constituency-ah hian Voter 385 awmin heng zinga 186 hi Mipa niin, 199 te chu Hmeichhia an ni. VC General Seat 4 leh Reserved seat 1 thlan tur a ni a. General Seat hi mi 8-in chuh in Reserved seat hi mi 2-in an chuh ang. Polling Station atan hian Primary School building hman tur a ni.

73-Chapi-II VC Constituency-ah hian Voter 309 awmin heng zinga 164 hi Mipa niin, 145 te chu Hmeichhia an ni. VC General Seat 3 leh Reserved seat 1 thlan tur a ni a. General Seat hi mi 6-in chuh in Reserved seat hi mi 2-in an chuh ang. Polling Station atan hian Middle School building hman tur a ni.

75-Pala VC Constituency-ah hian Voter 352 awmin heng zinga 172 hi Mipa niin, 180 te chu Hmeichhia an ni. VC General Seat 1 thlan tur a ni a, mi 2-in an chuh ang. Polling Station atan hian Primary School-II building hman tur a ni.

83-Miepu-II VC Constituency-ah hian Voter 97 awmin heng zinga 44 hi Mipa niin, 53 te chu Hmeichhia an ni. VC General Seat 1 thlan tur a ni a, mi 2-in an chuh ang. Polling Station atan hian Primary School-I building hman tur a ni.

92-Lopu-III VC Constituency-ah hian Voter 133 awmin heng zinga 66 hi Mipa niin, 67 te chu Hmeichhia an ni a. VC General Seat 1 thlan tur niin mi 1 chauhin chuhin, Polling Station atan hian Primary School-I building hman tura ruahman a ni a. Chuhtu dang an awm loh avangin vote hi thlak a ngai lo a, candidate awm chhun hi tlinga puan mai tur a ni ang.

Khaw sariha voter awm zawng zawng hi 3318 niin, heng zinga 1581 te hi mipa an ni a, 1737 te hi hmeichhia an ni.

Inthlanna muanawm, felfai leh thianghlim tak, Democracy tihlawhtling tura inthlang turin Commission chuan mipuite duhsakna a hlan a, Vote nei zawng zawngte chu vote thlak theuh turin a sawm a ni.

Sd/- TERESY VANLALHRUAII

Secretary,

State Election Commission,

Mizoram.

Memo No.B.12024/1/2016-SEC/VC/MADC/VOL-II: Dated Aizawl, the 14^th December, 2016.

Copy to:

1. Secretary to the Governor of Mizoram for kind information to His Excellency.

2. Principal Secretary to Chief Minister, Mizoram for kind information.

3. P.S to Speaker, Mizoram Legislative Assembly for kind information.

4. P.S to All Ministers for kind information.

5. P.S to Dy. Speaker/Minister of State/Parliamentary Secretaries for kind information.

6. Sr. P.P.S to Chief Secretary, Government of Mizoram for kind information.