Schedule for Election to MDC under Chakma Autonomous District Council, 2016

No.B.12011/1/2016-SEC/CADC                     :          Dated Aizawl, the 1^st April, 2016

PRESS NOTE

Subject:      Schedule for By- Election to 10- Mandirasora MDC Constituency under Chakma Autonomous District Council, 2016.

Sub-rule(5) of Rule 7 of the Chakma Autonomous District Council (Constitution, Conduct of Business, etc) Rules, 2002 as amended in thuneihna a pek angin State Election Commission, Mizoram chuan 10-Mandirasora ah Member tanglai a boral avanga hmun ruak hnawhkhahna atan By-Election ni 28.4.2016  hian a buatsaih dawn a ni.

1. Electoral Data & No. of Seats:- Ni 1.1.2016 qualifying date-a hmangin, ni 16.2.2016 atanga ni 24.2.2016 chhung khan Electoral Rolls ennawnna hna thawh a ni. Final Electoral Rolls hi ni 29.2.2016 khan tihchhuah a ni a, vote nei thei mi  1,212 an awm a, heng zinga mi 618 hi mipa an ni a,  594 hi hmeichhia an ni.

2. Identification of Electors:- Vote thlak turte  chuan an nihna tichiang turin Election Commission of India-in an siam Electors Photo Identity Card (EPIC) an keng ngei tur a ni a, an neilo a nih chuan anmahni nihna chiang hriat theihna Identity Card dang an keng tur a ni.

3. Law & Order and Deployment of Forces:- Sensitive Polling Station a awm dawn lo a, chuti chung chuan inthlanna muanawm leh felfai neih a nih theihna atan, dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate, Lawngtlai leh Superintendent of Police, Lawngtlai-te chu ruahhmanna tul ang zawng zawng siam tura beisei an ni. A tul a nih chuan ralthuam ken chungchang leh aurinna hman chungchangah khapna thupek tichhuak tura beisei an ni.

4. Electronic Voting Machine:

Chakma Autonomous District Council (Constitution, Conduct of Business, etc) Rules angin, tun tum By-Elections lo awm tur ah hian Electronic Voting Machine hman a ni ang. 

5. Videography & Photography:

A tul dan ang azirin thil thleng danglam bik bakah Model Code of Conduct bawhchhiatna a awm chuan chhinchhiah a, thla la vek turin DEO hi beisei a ni a, hei hian inthlanna felfai leh thianghlim a awm theih nan kawngro a su tura ngaih a ni.

6. Election Expenditure Monitoring:

Chakma Autonomous District Council (Constitution, Conduct of Business etc. Rules)P hnuaiah candidate pakhatin campaign nana a sum hmantheih zat tur hi fel taka bithliah a ni a.  Rule 188 of the Chakma Autonomous District Council (Constitution, Conduct of Business etc.) Rules, 2002 as amended  dungzuiin Candidate tinte chu Election Campaign atana an sum hmanral nitina chhinchhiah tur leh inthlanna result puan atanga ni 60 chhungin  an sum hman dan report thehlut tura tih an ni ang. Candidate-ten dan an zawm that leh that loh hi District Election thuneitu a vil reng dawn a ni.

7. Affidavits by Candidates:

He By-Election-a candidate zawng zawngte chu Nomination Paper an file rualin an mimal chanchin hrang hrang bakah in leh lo, sum leh pai,etc  an neih dan hrang hrangte tarlanna declaration affidavit hmanga thehlut vek tura tih an ni a, chu an affidavit copy chu Returning Officer- in Notice Board-a a tar chhuah bakah candidate dangte emaw thuthar thehdarhtuten an dil a nih chuan a pe ngei tur a ni bawk. Candidate-in affidavit a thehlut lo a nih chuan nomination endik a nih hunah a nomination hnawlna tlinga ngaih a ni dawn a ni. Amaherawhchu, Candidate-in thudiklo a tarlang emaw thudik a zep a nih pawhin Nomination Paper hnawlna tham a tling lo thung ang a, IPC Section 177-na hnuaiah erawh chuan hremna lekkawh turin hma lak theih a ni thung dawn a ni. Candidate-te Affidavit Scanned Copy hi State Election Commission website-ah upload a ni ang.

8. Conduct of Officials:

State Election Commission chuan inthlanna buatsaihna kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm dawn a ni. Heng bakah hian 10- Mandirasora huamchhunga Sawrkar hnathawk zawng zawngte chu Election Schedule puan atanga Election process zawh thlenga Sawrkar hnathawkte zawm tur State Election Commission-in a tihchhuah Code of Conduct chu zawm ngei tura beisei an ni.

9. Videography & Photography:

Election process chhunga thil pawimawh bik, thil thleng danglam leh Model Code of Conduct bawhchhiatna a awm chuan chhinchhiaha thla la tura beisei a ni a, hei hian inthlanna felfai leh thianghlim a awm theihna’n kawngro a su tura ngaih a ni.

10. Information & Complaint Redressal Mechanism:

He By- Election chungchanga mipuite hriat awm chi chu State Election Commission website www.sec.mizoram.gov.in ah tarlan thin a ni ang a, hemi baka thil hriatfiah leh zawh duh neite chuan State Election Commission e-mail id: secmizoram1@gmail.com & sec_mizoram@yahoo.com ah thawn theih a ni ang.

11. Model Code of Conduct:

‘Model Code of Conduct for Elections conducted by State Election Commission’ chu vawiin ni 1^st April, 2016  atang hian By- Election neihna tur 10-Mandirasora  MDC Constituency huam chhungah hman tan nghal a ni.  He Model Code hian Political Parties, Contesting Candidates, Ministers, Parliamentary Secretaries, Members of Parliament, Members of Legislative Assembly, Chief Executive Member, Executive Members, Members of District Council leh inthlannaa inhnamhnawih  Public Servant-te a huam ang.

12. Schedule of Election:

Hetiang hian  By- Election to 10-Mandirasora MDC Constituency under CADC neih dan tura ruahmanna - Schedule chu siam a ni:-

13. Appeal:

State Election Commission chuan inthlanna fel fai leh muanawm kan neih theihna’n inthlanna buaipuitute, Political Parties, Media, NGOs leh mipui tawiawmna a ngen a. 

  By order etc., of the State Election Commissioner,

Sd/- H. DARZIKA

Secretary,

State Election Commission,

Mizoram.