SHC 2019 PRESS NOTE - Announcement & Schedule of 1st General Election to Sinlung Hills Council, 2019

STATE ELECTION COMMISSION

MIZORAM

_____________________________________________

No.B.12015/1/2019-SEC/SHC/1              :         Dated Aizawl, the 1^st October, 2019

PRESS NOTE

Subject:        Announcement of First General Election to Sinlung Hills Council, 2019.

Sinlung Hills Council Interim Period chu thla li pawh sei a nih hnuah Dt. 08.11.2019 hian a tawp dawn a. Hei vang hian sub-rule (1) of Rule 3 of the Mizoram (Election to Sinlung Hills Council) Rules, 2019 in thuneihna a pek angin State Election Commission, Mizoram chuan a vawi khatna atan Sinlung Hills Council thar siam tura inthlanna a buatsaih dawn a. He inthlanna atana Commission hmalak dan leh Schedule of Election chu a hnuaia tarlan ang hi a ni:-

1.            No. of  Constituency, Constituent Villages & No. of Polling Stations:

Sinlung Hills Council hnuaia Constituency leh Polling Station awm dan chu hetiang hi a ni a, atul dan azirin  voter tamna Polling Station-ah Auxilliary Polling Station la hawn belh a ni ang. Aizawl District huam chhungah Polling Station 31 awmin Kolasib District huam chhungah Polling Station 7 a awm ang.

2.         Electoral Rolls

Rules 16 to 34, Chapter - III of the Mizoram (Election to Sinlung Hills Council) Rules, 2019  tlawhchhan a General Election to Village Councils under Non-Sixth Schedule Areas atan a Electoral Roll Dt.16.2.2015-a State Election Commission, Mizoram tihchhuah chu Draft Electoral Rolls atana hmangin Dt.5.9.2019 khan tihchhuah a ni a.

Dt.5.9.2019 atanga Dt.29.9.2019 chhung khan Electoral Rolls ennawnna (revision) hna thawh a ni a, Dt.30.9.2019 khan Final Electoral Rolls chu  tihchhuah a ni. He Electoral Rolls en nawnnaah hian hming thun belh,  hming paih leh a diklo te tih dik hna thawh a ni a. He Final Electoral Rolls ang hian Sinlung hills Council inthlanpui 2019-a vote thlak thei tur chu mi 20914 an ni a, chung zinga 10509 chu mipa niin, 10405 chu hmeichhia an ni. Hmeichhia aiin mipa 104-in an tam a ni.

Constituency 12-a voter awm dan chu a hnuaia mi ang hi a ni:-

3.         Identification of Electors

Sinlung Hills Council Constituency chhunga voter zawng zawngte chu Electoral Photo Identity Card (EPIC) pek vek an nih tawh avangin First General Election to Sinlung Hills Councils, 2019-a vote thlak turte reng reng chuan Polling Booth-ah an nihna (identity) tichiang turin EPIC hmang tura tih an ni ang. Engvang pawhin EPIC neilo palh an awm a, vote nei si an nih chuan an nihna tichiang turin heng document-te hi an hmang thei ang:

1) Ration Card issued by the Government of Mizoram            

2) Driving License  

3) PAN Card

4) Aadhaar Card

5) Birth Certificate

6) Passbooks issued by Public Sector Banks/Post Office and Kisan            Passbooks (accounts opened upto October, 2019)

4.         Law & Order and Deployment of Forces

Inthlanna muanawm leh felfai kan neih theihna atan dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate leh Superintendent of Police-te chu ruahmanna tul ang zawng zawng siam tura tih an ni. A bik takin ralthuam ken chungchang leh aurinna hman chungchangah khapna thupek tichhuak tura beisei an ni.

5.         Election Officials

The Mizoram (Election to Sinlung Hills Council) Rules, 2019 in thuneihna a pek angin, State Election Commission chuan Returning Officer (RO) leh Assistant Returning Officer (ARO) atan Mizoram Sawrkar hnuai a Officer sawmhnih leh pali-te a ruat a ni. Heng bakah hian Polling Station tinah Presiding Officer 1 leh Polling Officer 2 zel ruat an ni bawk ang a, an duty-na hmun tur Constituency leh Polling Station hi draw of lots/randomization hmanga siam vek a ni ang.

6.         Observers

State Sawrkar Senior officer 3 (pathum) te chu Election Observer atan ruat an ni a, anni hian inthlan chungchanga hma lakdan ngun takin an vil dawn a ni. Inthlan kalpui dana lungawilohna emaw, Model Code of Conduct kenkawh chungchanga sawisel duh neite chuan an bialtu Observer an hriattir thei ang.

7.         Ballot Box & Ballot Paper

Rules 50, 51 & 52 of The Mizoram (Election to Sinlung Hills Council) Rules, 2019 in a sawi angin, Sinlung Hills Council General Election-ah hian Ballot Box leh Ballot Paper hmang a inthlan tur a ni dawn a.  Ballot Paper hi Sawrkar ruatbik Officer kaihhruaina hnuai ah, uluk taka Police te venhimna hnuai a print tur a ni a. Ballot Paper te peihfel a nih vek hnu ah DC/DEO, Aizawl/Kolasib te Strong Room ah venhimna uluk tak hnuaiah dah tur a ni. Polling Party te, hun ruat bik ah Polling Station an pan a, inthlan a zawh fel hma loh chu uluk tak a venhimna hnuaiah a awm reng ang.

8.         Indelible Ink/Marker

        He General Election-ah hian vote thlaktu chhinchhiah na’n an kut veilam zungchalah indelible ink/marker hnawih sak vek tur a ni.

9.         Conduct of Officials

State Election Commission chuan Sinlung Hills Council inthlanna buatsaih kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai (impartial) thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah  an awm dawn a ni.

10.       Videography & Photography

A tul dan azirin thil thleng danglam bik bakah Model Code of Conduct bawhchhiatna a awm chuan chhinchhiah a, thla la turin District Election Officer chu beisei a ni a, hei hian inthlanna felfai leh thianghlim a awm theih nan kawngro a su hle tura ngaih a ni.

11.       Election Expenditure Monitoring

            Rule 102, 103 & 104 of the Mizoram (Election to Sinlung Hills Council) Rules, 2019 dungzuiin Candidate tin te chu Election Campaign atana an sum hmanral nitina chhinchhiah tur leh inthlanna result puan atanga ni 30 chhungin  an sum hman dan report thehlut tura tih an ni ang. Candidate-te’n dan an zawm that leh that loh hi District Election thuneitute leh Observer-te’n an vil reng dawn a ni. Sinlung Hills Council General Election-a Candidate te’n campaign nana an sum hman theih zat hi Constituency khat zel ah Rs. 2,00,000/- bithliah a ni.

12.       General Information

            He General Election chungchanga thil hriatfiah leh zawh duh neite chuan State Election Commission e-mail : secmizoram1@gmail.com – ah thawn theih a ni ang.

13.       District Election Plan & Communication Trial Run

            State Election Commission kaihhruaina hnuaiah District Election Officer in District Election Plan mumal tak a siam ang a, chumiah chuan Communication Plan, Movement Plan etc, felfai taka tarlan a ni ang. Sinlung Hills Council huam chhunga Polling Station-te hi hmun kilkhawr zawka awm te an nih avangin inbiakpawh nan Wireless Tele-communication (MPRO) hman tangkai a ni ang a,  hemi bakah hian Mobile Phone provider-te pawh tan la tura ngen an ni. Poll Day hma Poll Eve-ah Communication Trial Run hi neih a ni ang a, hei hian Poll Day-a Voter Turn-Out leh Counting Day-a Election Result, report leh puanzar kawngah kori a tu hle tura ngaih a ni.

14.       Model Code of Conduct

‘Model Code of Conduct for First General Election to Sinlung Hills Council chu tun atang hian Sinlung Hills Council huam chhung-ah hman tan nghal a ni’. He Model Code of Conduct hian Political Parties, Contesting Candidates, Ministers, Ministers of State, Members of Parliament leh Members of Legislative Assembly te a huam ang. Hetih rual hian Sawrkar hnathawkte tana zawm tur Code of Conduct pawh State Election Commission chuan a tichhuak tawh bawk a, hei pawh hi vawiin atanga hman tan nghal a ni.

15.       Schedule of Election

First General Election to Sinlung Hills Council, 2019 neih dan tura ruahmanna – Schedule of Election chu hetiang hian siam a ni:-

16.       Ngenna

                                          State Election Commission chuan inthlanna fel fai leh muanawm tak kan neih theih nan inthlanna buaipuitute, Political Parties, Media, NGO-te leh Sinlung Hills Council chhunga mipuite tawiawmna a ngen a. Mipui duhthlanna kal tlanga Sinlung Hills Council inrelbawlna tha tak a awm theih nana theih tawp chhuah theuh turin mitin te a sawm a ni.

By order etc, of the State Election Commissioner,

Sd/- TERESY VANLALHRUAII

Secretary,

State Election Commission,

Mizoram.